Ապրիլի 4-ը ականների վտանգի իրազեկման և ականազերծման գործունեությանն աջակցելու միջազգային օր 2018-04-12 Ս.թ. ապրիլի 11-ին ականների վտանգի իրազեկման և հակաականային գործունեությանն աջակցելու միջազգային օրվա կապակցությամբ ՀՀ-ում Հակաականային գործունեության ազգային մարմնի՝«Հումանիտար ականազերծման և փորձագիտական կենտրոն» ՊՈԱԿ-ի նախաձեռնությամբ Երևանի պետական համալսարանի գիտական խորհրդի նիստերի դահլիճում տեղի ունեցավ «Հայաստանն ընդդեմ ականների» խորագրով սեմինար- հանդիպում համալսարանական ակտիվի հետ։Սեմինարի նպատակն էր երիտասարդությանն իրազեկել ՀՀ-ում առկա ականային վտանգի, դրա հետևանքների, այդ վտանգից խուսափելու համար անվտանգ վարքագծի կանոնների և մեր երկրում ապրող ականի պայթյունից տուժած անձանց հիմնախնդիրների մասին։ Սեմինար- հանդիպման մեկնարկը տրվեց դահլիճի նախասրահում կազմակերպված ցուցադրությամբ, որտեղ ներկայացվեցին ուսումնական ականներ, ականազերծողի հանդերձանք, ականորսիչներ, ականային վտանգի մասին զգուշացնող ցուցանակներ, ԱՎԻ պաստառներ և ականային պայթյունից տուժած անձանց լուսանկարներ:Սեմինարի սկզբում մասնակիցները մեկ րոպե լռությամբ հարգեցին մարտի 29-ին Արցախի Հանրապետությունում ականազերծման աշխատանքների ժամանակ զոհված սակրավորների հիշատակը: Հանդիպումը ողջույնի խոսքով բացեց ԵՊՀ պրոռեկտոր Ռուբեն Մարկոսյանը: Սեմինարին կարճ ելույթով իրենց խոսքը երիտասարդությանն ուղղեցին ՀԱՓԿ ՊՈԱԿ-ի տնօրեն Ռուբեն Առաքելյանը, ՄԱԿ-ի զարգացման ծրագրի հայաստանյան գրասենյակի ժողովրդավարական կառավարման ծրագրի ղեկավար Ալլա Բակունցը, Կարմիր խաչի միջազգային կոմիտեի Զինամթերքի աղտոտվածության գծով համակարգող Պարամդիփ Բոփինդեր Մթարուն, «Սատար» հաշմանդամների հասարակական կազմակերպության նախագահ Հունան Հունանյանը, ականային պայթյուն վերապրած և դժվարին ուղին քաջաբար հաղթահարած Ալեքսան Բայանդուրյանը: Հանդիպումը վարեց և ելույթ ունեցավ ՀԱՓԿ ՊՈԱԿ-ի Ականների վտանգի իրազեկման և տուժածների աջակցության (ԱՎԻ/ՏԱ) բաժնի ղեկավար Աննա Ասլանյանը: Ելույթներում նշվեց, որ ամբողջ աշխարհում՝ այդ թվում նաև Հայաստանում, ականային պայթյունի հետևանքով զոհվում է տարեկան մոտ 10.000 մարդ, 20.000 մարդ ստանում է տարբեր աստիճանի մարմնական վնասվածքներ: Տուժած ն երիմոտ 30% երեխաներ են: Հայաստանի 4 մարզերում (Տավուշ, Սյունիք, Գեղարքունիք, Վայոց Ձոր) կան ականային վտանգ պարունակող տարածքներ՝ ավելի քան 17մլն մ2ընդհանուր մակերեսով, որոնց անմիջական հարևանությամբ բնակվում է շուրջ 35,000 մարդ, ովքեր, ապրելով վտանգված տարածքներում, ամեն օր վտանգի են ենթարկում իրենց կյանքն ու առողջությունը։ Ականային վտանգը խոչընդոտում է երկրի սոցիալտնտեսական զարգացմանը, խաթարում է մարդկանց կյանքի բնականոն ընթացքը և նպաստում արտագաղթին։ Սեմինարը նշանավորվեց տեսահոլովակի պրեմիերայով, որում ներկայացված էին ականից տուժած անձանց պատմությունները և ականային վտանգ պարունակող տարածքների ականազերծման կարևորության խնդիրը: Ինչպես նաև «Սատար» հաշմանդամների հասարակական կազմակերպության նախագահ Հունան Հունանյանը հանձնեց շնորհակալագրեր ՀԱՓԿ ՊՈԱԿ-ի տնօրեն Ռուբեն Առաքելյանին և ՀԱՓԿ ՊՈԱԿ-ի տուժածների գծով մասնագետ Գայանե Սիմոնյանին զինվորական հաշմանդամություն ունեցող անձանց խնդիրներն ուշադրության կենտրոնում պահելու համար:Սեմինարի ավարտին ՀԱՓԿ ՊՈԱԿ-ի աշխատակիցներն ու հյուրերը պատասխանեցին ուսանողների և լրագրողների հարցերին։
Ճամբար 2018 2018-08-10 Արդեն երրորդ տարին անընդմեջ ՀԱՓԿ ՊՈԱԿ-ն իրականացնում է ամառային ուսուցողական և վերականգնողական ճամբար ականից տուժած անձանց, ականային վտանգ պարունակող տարածքներում բնակվող, անապահով ընտանիքիների, ինչպես նաև պայմանագրային զինծառայության մեջ գտնվող անձանց երեխաների համար: Ճամբարում իրենց մասնակցությունն ունեցան նաև ԱԻՆ-ի, Արցախի, Երևանից և ՀՀ այլ տարածքներից, ինչպես նաև Սիրիայից ժամանած երեխաները։ Ճամբարի նպատակն է իրազեկել վտանգված համայնքներում բնակվող դեռահասներին ականային վտանգի մասին, ծանոթացնել անվտանգ վարքագծի նորմերին, ինչպես նաև կազմակերպել վերականգնողական հանգիստ ականից տուժած անձանց և ականային մշտական վտանգ պարունակող տարածքներում բնակվող երեխաների համար։
ՆՈՐՈՒԹՅՈՒՆՆԵՐ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
CHDE 2017 ©
,,ՀՈՒՄԱՆԻՏԱՐ ԱԿԱՆԱԶԵՐԾՄԱՆ ԵՎ ՓՈՐՁԱԳԻՏԱԿԱՆ ԿԵՆՏՐՈՆ,, ՊՈԱԿ
1          2           3           4          5          6          7          8          9          10