1          2           3           4          5          6          7          8          9
CHDE 2014 ©
ՆՈՐՈՒԹՅՈՒՆՆԵՐ
ՄԵՐ ՄԱՍԻՆ ԾՐԱԳՐԵՐ ԳՈՐԾԸՆԿԵՐՆԵՐ ՆՈՐՈՒԹՅՈՒՆՆԵՐ ՆԿԱՐՆԵՐ ՀԵՏԱԴԱՐՁ ԿԱՊ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
Խորվաթական DOK-ING ընկերության ներկայացուցչի այցը ՀԱՓԿ ՊՈԱԿ 2017-06-08 Սույն թվականի հունիսի 8-ին ՀԱՓԿ ՊՈԱԿ այցելեց Խորվաթական DOK-ING ընկերության ներկայացուցիչ Կոնստանտին Դարմանյանը: Ընկերությունն հանդիսանում է աշխարհի ռոբոտային տեխնիկա արտադրողների առաջատարը, որի արտադրանքն արդեն իսկ արդյունավետ շահագործվում է աշխարհի 34 երկրներում՝ ներառյալ ԱՄՆ-ում և Ռուսաստանում: Այցի նպատակն էր ներկայացնել DOK-ING ընկերության կողմից արտադրված և վաճառքի հանված վերջին նորույթը՝ MV4 ականազերծող ռոբոտ-մեքենան: Նորույթն օժտված է ակնհայտ առավելություններով ականազերծող այլ տեխնիկաների համեմատությամբ: Այն կարող է ականազերծել օրական 2500-3000 ք/մ տարածք, ականազերծում է բոլոր տեսակի հակահետևակային ականները, գրեթե չի վնասվում հակատանկային ականի պայթյունի դեպքում, ունի քաշային առավելություններ, ինչի շնորհիվ հեշտանում է ռոբոտ-մեքենայի տեղափոխությունը, ինչպես նաև բազմաթիվ այլ առավելություններ: Այցի ընթացքում քննարկվեցին Հայաստանում ներկայացված տեխնիկայի հնարավոր օգտագործման հեռանկարները, ինչպես նաև ձեռք բերման պայմանները: Վերջում պ-ն Դարմանյանը DOK-ING ընկերության անունից ՀԱՓԿ ՊՈԱԿ-ի տնօրեն Ռուբեն Առաքելյանին հանդիսավոր կերպով հանձնեց MV4 ականազերծող ռոբոտ- մեքենայի մանրակերտը:
Հանդիպում Խորվաթիայից ժամանած պատվիրակության հետ 2017-04-26 Սույն թվականի ապրիլի 26-ին ՀԱՓԿ ՊՈԱԿ-ում տեղի ունեցավ հանդիպում   Խորվաթիայից ժամանած պատվիրակության հետ: Պատվիրակության կազմում էին  Խորվաթիայի Կարմիր Խաչի Զագրեբի մասնաճյուղի տնօրեն Պետար Պենավան, փոխտնօրեն  Իվիցա Գոլուբիչը և “Խորվաթիան օգնում է” ասոցիացիայի նախագահ  Ջուրջա Ադլեշիչը: Հանդիպման ընթացքում երկու կողմերն ամփոփեցին կատարված համատեղ աշխատանքը, ինչպես նաև քննարկեցին առաջիկա հնարավոր համատեղ ծրագրերը: Մտքերի  փոխանակման արդյունքում ձեռք բերվեց նախնական համաձայնություն շարունակելու ականային վտանգից տուժած շրջանների երեխաների ամառային հանգիստը կազմակերպելու նպատակով փոխայցելությունների կազմակերպումը, ինչպես նաև ընդլայնելու հետագա  գործունեության շրջանակները: Նույն օրը Խորվաթիայի պատվիրակությունը հյուրընկալվեց ՀՀ Ազգային Ժողովի պատգամավոր, ԱԺ Առողջապահության, մայրության եւ մանկության հարցերի մշտական հանձնաժողովի նախագահ Արա Բաբլոյանի և ՀՀ Ազգային Ժողովի պատգամավոր, Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանի կողմից: Հանդիպման ընթացքում պարոն Բաբլոյանը և պարոն Դավթյանը բարձր գնահատեցին Խորվաթական կողմի աջակցությունը Հայաստանի սահմանամերձ գյուղերի ականների վտանգից տուժած երեխաներին աջակցության ուղղությամբ և հավանություն տվեցին հետագա փողայցելությունների ծրագրերի կազմակերպմանը: Պարոնայք Բաբլոյանը և Դավթյանը նաև պատրաստակամություն հայտնեցին խնդրո առարկայի վերաբերյալ խորհրդարանական քննարկումներ կազմակերպել ծրագրի պոտենցիալ շահառուների և շահագռգիռ նախարարությունների հետ, նպատակ ունենալով կարգավորել և համակարգել վերականգնողական հանգստի նպատակով Հայաստանի և Խորվաթիայի երեխաների փոխադարձ այցելությունները:
ՀՀ Պաշտպանության Նախարար Վիգեն Սարգսյանի այցը ՀԱՓԿ ՊՈԱԿ 2017-06-10 Սույն թվականի հունիսի 10-ին ՀԱՓԿ ՊՈԱԿ այցելեց ՀՀ Պաշտպանության նախարար Վիգեն Սարգսյանը ՀՀ Պաշտպանության նախարարի տեղակալ Արա Նազարյանի ուղեկցությամբ: Այցի նպատակն էր ծանոթանալ ՀԱՓԿ ՊՈԱԿ-ի գործունեությանը, ինչպես նաև քննարկել ՀԱՓԿ ՊՈԱԿ-ի գործառույթներն և ապագա գործունեության հեռանկարները: Նախարարը շրջեց կազմակերպության բաժիններով և անձամբ ծանոթացավ յուրաքանչյուր բաժնի անձնակազմին և վերջիններիս կողմից իրականացվող աշխատանքներին: Այնուհետև տեղի ունեցավ հանդիպում ՀԱՓԿ ՊՈԱԿ-ի ղեկավարության հետ, որի ընթացքում կազմակերպության ստորաբաժանումների ղեկավարները  ներկայացրեցին յուրաքանչյուրը իրենց բաժինների համառոտ բնութագրերը և զեկուցեցին կատարված աշխատանքների մասին: Նախարարը մեծ ուշադրությամբ ծանոթացավ զեկուցողների կողմից ներկայացված նյութերին, ցուցաբերելով առավելագույն հետաքրքրություն և տալով բազմաթիվ հարցեր զեկուցողներին: Ամփոփելով քննարկումը, Վիգեն Սարգսյանը կանգ առավ ՀԱՓԿ ՊՈԱԿ-ի մի քանի կարևորագույն խնդիրների վրա, մատնանշելով դրանցից առավել հրատապները: Քանի որ ՀՀ Պաշտպանության Նախարարությունը  հանդիսանում է ՀԱՓԿ ՊՈԱԿ-ի լիազորված պետական մարմին, ՀՀ Պաշտպանության նախարարի այցը, ինչպես նաև տեղի ունեցած  քննարկումները չափազանց կարևվոր և արդյունավետ գտնվեցին ՀԱՓԿ ՊՈԱԿ-ի գործունեության համար:
CHDE 2017 ©
,,ՀՈՒՄԱՆԻՏԱՐ ԱԿԱՆԱԶԵՐԾՄԱՆ ԵՎ ՓՈՐՁԱԳԻՏԱԿԱՆ ԿԵՆՏՐՈՆ,, ՊՈԱԿ