ՀԱՓԿ ՊՈԱԿ մասնագետները մասնակցել են Աղետների ռիսկի նվազեցման գլոբալ պլատֆորմին 2019-07-04 Շվեյցարիայի Ժնև քաղաքում տեղի ունեցած Աղետների ռիսկի նվազեցման գլոբալ պլատֆորմին մասնակցել են նաև Հումանիտար ականազերծման և փորձագիտական կենտրոնի ներկայացուցիչները: Ընդհանուր առմամբ 182 երկրի պատվիրակներ են մասնակցել պլատֆորմին, որի ընթացքում կոչ է արվել քայլեր ձեռնարկել Աղետների ռիսկի նվազեցման 2015- 2030թթ. Սենդիի շրջանակում առանձնացված թիրախային գործընթացներն իրականացնելու վերաբերյալ։Աղետների ռիսկի նվազեցումը ներառում է համալիր գործընթացներ: Գլխավոր բաղադրիչները 2 են՝ 1) տվյալների արդյունավետ փոխանակման միջոցով շահագրգիռ կողմերի փոխգործակցության ապահովում 2) սոցիալ-տնտեսական գործոնների ներառումԶեկույցում անդրադարձ է եղել նաև ականային վտանգի իրազեկման կարևորությանն ու տեղեկացվածության մակարդակի բարձրացմանը:
Ճամբար Հայաստանի և Արցախի երեխաների համար 2019-07-23 «Հումանիտար ականազերծման և փորձագիտական կենտրոն»-ի մասնագետները հուլիսի 23-ին Ականային վտանգի իրազեկման դասընթացներ և գործնական պարապմունքներ են իրականացրել Լոռու մարզի «Գուգարք» ճամբարում: Պայմանական պայթյուն է տեղի ունեցել, երեխաները ծանոթացել են անվտանգ վարքագծի կանոններին: «Հումանիտար ականազերծման և փորձագիտական կենտրոն»-ի ամենամյա դարձած ամառային ճամբարը մեկնարկել է հուլիսի 15-ից: Այս տարի ճամբարին մասնակցում են Սյունիքի, Տավուշի և Շիրակի մարզերից ներգրավված 42 դպրոցականներն ու կենտրոնի 6 կամավորները: Ականային վտանգի իրազեկման դասընթացները կազմակերպվում են ճամբարում հանգստացող բոլոր երեխաների համար: Այս անգամ միջոցառմանը մասնակցել են նաև Արցախի տարբեր շրջաններից եկած դպրոցականները: «Հումանիտար ականազերծման և փորձագիտական կենտրոն»-ի կազմակերպած ճամբարի հիմնական նպատակն իրազեկվածության մակարդակի բարձրացումն է:
«Տեխնիկական հետազոտության» դասընթաց Բոսնիա և Հերցեգովինայում 2019-07-08 Բոսնիա և Հերցեգովինայում Հումանիտար ականազերծման Ժնևի միջազգային կենտրոնը (GICHD) NPA կազմակերպության հետ համագործակցության շրջանակում իրականացրել է «Տեխնիկական հետազոտության» դասընթաց, որին մասնակցել են 11 երկրի 17 ներկայացուցիչ՝ այդ թվում Հայաստանի Հումանիտար ականազերծման և փորձագիտական կենտրոնի մասնագետները: Դասընթացը կազմակերպվել է NPA-ի գլոբալ ուսումնական կենտրոնում: Տեսական և գործնական մասերից բաղկացած դասընթացի ժամանակ մասնակիցներին ներկայացվել են հակաականային գործողությունների միջազգային չափորոշիչները, հողի ազատման հիմնական գործընթացները, տեխնիկական հետազոտության սկզբունքները և այլն: Հնարավորություն է տրվել նաև ծանոթանալ և պատկերացում կազմել, թե ինչպես են վարժեցվում ականներ հայտնաբերող շները: Դասընթացի ավարտին մասնակիցները թեստային քննություն են հանձնել, լավագույններին տրվել են վկայականներ:
ՆՈՐՈՒԹՅՈՒՆՆԵՐ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
CHDE 2020 ©
,,ՀՈՒՄԱՆԻՏԱՐ ԱԿԱՆԱԶԵՐԾՄԱՆ ԵՎ ՓՈՐՁԱԳԻՏԱԿԱՆ ԿԵՆՏՐՈՆ,, ՊՈԱԿ
1          2           3           4          5          6           7           8          9          10
11          12          13          14          15          16